Қобыз аспабында ойнауды жетілдіру

Шыңғырлау ауданы балалар саз мектебі

Ашық сабақ

Тақырыбы:  «Қобыз аспабында ойнауды жетілдіру»

Дайындаған:  Э.Б.Бертлеуова

2019-2020 жыл

Ашық сабақ

Сабақтың тақырыбы:  «Қобыз аспабында ойнауды жетілдіру»     

Оқушы:  Жумагалиева Милана  5-сынып                                             

Сабақтың мақсаты: Оқушыға  шығармадағы кездесетін қиын  тұстарын   меңгертіп, ойнау шеберлігін арттыру.

Білімділік мақсаты: Қобыз аспабын еркін игеру, музыкалық  сауатын ашу және аспапта ойнауын жетілдіру.                         

Дамытушылық мақсаты: Оқушының ой - өрісін дамытып, қызығушылығын арттыру.

Тәрбиелік мақсаты: Оқушының сана сезімін,ақыл-ойын дамыту.          Шығарманы түсініп, сезініп ойнауға тәрбиелеу.

Қолданылатын көрнекіліктер: Қобыз аспабы, фортепиано аспабы,

Қорқыт және Ықылас слайдттары.

Сабақтың түрі: дәстүрлі - аралас сабақ.

Сабақтың жоспары:

І. Ұйымдастыру бөлімі.

ІІ. Үй тапсырмасын тексеру

ІІІ. Жаңа сабақты түсіндіру.

ІY. Қорытынды.

Y.Үйге тапсырма беру.

YІ. Бағалау.

Сабақтың барысы.

І. Ұйымдастыру кезеңі. 

   Аспапты (қобыз) құлақ күйіне келтіру, қөрнекіліктерді дайындау, оқушының құралдарының  даярлығына назар аудару.

ІІ. Үй тапсырмасын тексеру.

   A dur гаммасын 2 октавада  ойнау, штрихтар: деташе, легато, стакатто, арпеджио ойнау.

1. Сыдық  Мұхамеджанов кім?

2. Қандай шығармалары бар?

3. Н.Тілендиев «Ата толғауы» күйін жатқа ойнайды. Күйді талапқа сай, өз ырғағымен орындауға тиіс.

4. Үй тапсырмасының қателіктерін түзеп, нұсқаулар беру.

ІІІ. Жаңа сабақты түсіндіру.

Сабақтың тақырыбы: «Қобыз аспабында ойнауды жетілдіру»

Сабақтың материалы: 

Бұл шығарманы талдамас бұрын, автордың өмірбаянын қысқаша баяндау.

Сыдық  Мұхамеджанов (1924-1991)

Сыдық Мұхамеджанов - (1924 жылы, Қарағанды облысындағы Шет ауданының Үлкенбұлақ - 1991). композитор, Мемлекеттік сыйлық лауреаты, КСРО халық әртісі.

Оның балалық шағы дарынды адамдардың ортасында өтті, туған өлкесінен шыққан атақты Тәттімбеттің, Ақанның, Естайдың әндері мен күйлерінің әсем үндері балаға үлкен әсер қалдырды. Оның музыкаға деген әуестігі өзінің анасынан дарыған. 1947 жылы ол киноактерлер мектебін бітіріп, музыка училищесінің тарихи – теориялық бөліміне оқуға түсті. Денсаулығына байланысты училищедегі оқуын тоқтатып, мектептерде, музыкалық үйірмелерде жұмыс істейді.Тек Алматы консерваториясына түскеннен кейін композициямен шұғылданып, профессор Е. Брусиловскийдің класында оқиды.

Консерваторияны бітірмей-ақ, талай шығармалар жазды: скрипка, мен фортепианоға арналған соната, қобызға, фортепианоға арналған пьесалар, хорлар, драмалы қойылымдарға музыка, әндер мен романстар.Бұл жылдары қазақтың халық оркестріне арналған музыкасы мен осы ұжыммен тығыз байланысының шығармашылығында мәні зор болды. Оркестрге арнап «Балқадиша» әніне Вариациялар, «Қыз қуу» симфониялық суреттемесін және «Домбыра туралы баллада» поэмасын жазды. Сонымен қатар, осы кезеңдегі тамаша шығармаларының бірі- «Қуаныш Отаны» атты симфониялық поэмасы. Бұл туынды жастар мен студенттерінің Бухаресте өткен Бүкіл әлемдік фестивалінде орындалып, Қазақ КСР-інің Жамбыл атындағы Мемлекеттік сыйлығына ие болды. Бұл шығарма С. Мұхамеджановтың есімін тыңдаушы қауымға әйгілі етті.

ІY. Қорытынды.

1. Сыдық Мұхамеджанов кім?

2.Қандай шығармалары  бар?

Y. Үйге тапсырма.

1. Сыдық Мұхамеджанов туралы оқып келу.

2. С.Мұхамеджанов «Таңғы «әуен» шығармасын жатқа ойнап келу.

YІ. Бағалау.

Оқушы сабаққа өте жақсы дайындалған, 5-тік баға қойылды. Осымен сабақ аяқталды.