План-конспект урока на тему "Кешоков Алим "Сосна"".

материал можно использовать на уроках родной литературы. Цель: познакомить с творчеством Кешокова Алима через его стихотворение "Сосна", привить любовь к родному краю и бережное отношение к природе.

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«План-конспект урока на тему "Кешоков Алим "Сосна"".»

Урокым елэжьарЖырыкъ И. Д., 31-нэ еджап1эм адыгэбзэмрэ литературэмрэ и егъэджак1уэщ.

Проектнэ лэжьыгъэ.

7-нэ классым щезгъэк1уэк1а урок.

Темэр: К1ыщокъуэ Алим «Уэздыгъей».

Мурадхэр:

К1ыщокъуэ Алим и усэ «Уэздыгъейм» щыгъуазэ щ1ын;
природэм хуэсакъыу, яхъумэу, ф1ыуэ ялъагъуу щытыным хуэущиин;
къалэ паркым, Хьэтэжьыкъуэ хадэм, ит жыг л1эужьыгъуэхэр зрагъэц1ыхуным къыхуэгъэушын.

Мы урокым щек1уэк1ыр адыгэбзэм нэмыщ1а литературэми, биологиеми, географиеми, информатикэми, рисованиеми епхауэ проэктлэ жьыгъэу согъэхьэзыр. 7-нэ классым и календарнэ-тематическэпланыр щысщ1ым щыгъуэ ди щ1ыналъэм къыщык1 жыг ф1эщыгъэц1эхэр къызыхэщ тхыгъэ зы-т1у хэзгъэхьащ. (Щоджэнц1ык1у А. «Кхъужьей щ1агъым», К1ыщокъуэ А. «Уэздыгъей», «Борэн» усэхэр). Ар а тхыгъэхэр зэпхыжауэ лэжьыгъэ еджак1уэхэм етын папщ1эщ.

Урокым и планыр

I.Урокым хэзышэ дакъикъэ.

Сэлам зэхын, гъэт1ыс1н, урокым и мурадхэм щыгъуазэ щ1ын.

II. Унэ лэжьыгъэр къэпщытэжын (К1ыщокъуэ Алим «Борэн»)

(презентацэу уэс куу зытелъ щ1ып1эхэр, уэсукхъуэ къыщрихьэк1хэр иту къэдгъэлъагъуэурэ)

Усэм щыщ едзыгъуэ еджак1уэхэм дакъыхуоджэ.Зэпыдогъэури упщ1э ядот:

- Сыт хуэдэ усэм щыщ пычыгъуэ иджыпсту зэхэфхар?

- Хэт ар зытхар?

- Сыт усэм зи гугъу ищ1ыр?

- Сыт хуэдэ художественнэ-изобразительнэ 1эмалхэр къигъэсэбэпа усак1уэм? (зэгъэпщэныгъэ, къэгъэпсэуныгъэ)

2. Усэм еджак1уэ зыбжанэ къыдогъаджэ.

3. Усэм и зы едзыгъуэм нэхъ гулъытэ худощ1:

…Жьыбгъэ, жьыбгъэ, жьыбгъэ гуащ1э,

Щхьэ ныщхьэбэ уета?

Бжей жыг лъэщхэр хыбогъащ1э, бгы бгъуэнщ1агъхэри пкудащ…

- Мы усэ едзыгъуэм сыт хуэдэ жыгым и гугъу щищ1рэ? (бжей)

- Урысыбзэк1э сыт а жыгым зэреджэр? (бук)

- Ар къыщык1ыр дэнэу п1эрэ? (мэзым)

III. Темэщ1эм щыгъуазэ дощ1. К1ыщокъуэ Алим «Уэздыгъей»

(усэр зэрыт напэк1уэц1ыр къызэ1уах, и ф1эщыгъэц1эм йоджэ)

Еджак1уэхэм къызэджэр нэхъ зэхащ1эн, природэ дыкъэзыухъуреихьым и дахагъэр усак1уэм и усэ сатырхэмк1э я нэгу къыщ1ыхьэн папщ1э ,усэм дыкъеджэн ипэ упщ1эхэр ядот:

(упщ1эхэр презентацэу слайдымк1э къыдогъэлъагъуэ)

Сыт фи нэгу къыщ1эвгъэхьар усэм и ф1эщыгъэц1эм феджа нэужь? Дауэ феплърэ, сыт мы усэр зытеухуар?
Щ1ымахуэ мэзым фыщы1эну къыфхуихуат зэ? Дауэ къыфщыхъуа? Сыт хуэдэ гупсысэхэм фа1ыгът абы щыгъуэ?

Еджак1уэхэм я гупсысэ зыбжанэм дедэ1уа нэужь яжыдо1э:

- Дэ ди пащхьэм илъщ усак1уэм и усэр. Девгъэплъыт, ц1ык1ухэ, тхак1уэр мэзым и теплъэм зыхуиша гупсысэмрэ ар абы зэрилъагъумрэ и усэ сатырхэм къызэрыхигъэщам.

Усэм дыкъыщеджам и деж, природэм и теплъэр тхак1уэм дахэу къызэригъэлъэгъуэфа художественннэ-изобразительнэ 1эмалхэр къыхыдогъэгъуатэ. А лэжьыгъэр ящ1ын папщ1э еджак1уэхэр гупит1у догуэш (урокым ипэ гуп-гупу лэжьэфын хуэдэу дгъэт1ысауэ щытщ). Япэ гупым усэм къэгъэпсэуныгъэу(олицетворениеу) хэтыр къагъуэт, ет1уанэ гупым зэгъэпщэныгъэу (сравнениеу) хэтыр. Гуп къэс езым гуппашэ хахыжри абы жэуапыр къет.

(егъэджак1уэм къыхигъуэтахэр презентацэу къегъэлъагъуэ)

Къэгъэпсэуныгъэ:

Нэпкъ лъагэм тету мэщыгъуэр
Егъэш дыкъауэ и дамэр
Жыг 1эджэм хэту мэгуф1э
Ят1агъуэ нэпкъым ар гуэту
Жыгей 1эпл1ак1уэр мэхъущ1э
Бжей къуэлэн щхьэгуэр къогубжьыр
Зыдохуэпэфыр гъэмахуэм
Уэздыгъей лъагэм зегъэщхъри Мыр ныжре1э жыг ипщэм

Зэгъэпщэныгъэ:

Жыр таж хужьыбзэр щхьэрыгъыу
Шы сокум хуэдэу къудамэр
Лъей къуацэ ф1элъу и лъакъуэм
Бащлъыкъыу хужьыр уэс пхъашэу
Пц1анабзэщ псори гу нэщ1у
И щ1ак1уэ щхъуант1эр уолъагъур
Ди щыгъын щхъуант1эр щ1эк1уэдыр
Щ1алафэ мэзыр щызмыгъащ1эу

Гуп къэс езыхэм къыхагъуэтамрэ егъэджак1уэм еймрэ зрагъапщэ, зыхущыщ1э1амэ къыхагъуэтэж.

(Мыбдежым метапредметнэ лэжьыгъэ хыдолъагъуэ: само осознанное умение совместно работать, осознанное использование речевой структуры – жэуапырз ытыр гупым лидер жыхуа1эу хахырщ)

Къык1элъык1уэу словарнэ лэжьыгъэ идогъэк1уэк1.

Жыр – сталь, гъущ1 л1эужьыгъуэщ.
Таж– шлем, пасэрей зауэл1хэмя жыр пы1э.
Бжей– бук восточный, жыгбыдэлъэпкъщ.
Лъейкъуацэ– ноговица, лъэдиймрэ лъэгуажьэмрэ щ1игъанэу лъэгупс ф1эк1 лъапэ зыпымыт щыгъын л1эужьыгъуэ.

Мыбдежым мыпхуэдэ лэжьыгъэ еп тхънущ: фэ нэхъ фигу ирихь жыгхэм зэгъэпщэныгъэ, къэгъэпсэуныгъэ къыхуэфхь...

Природэр хъумэн папщ1э щ1эн хуейр, абы зэрыхущытын хуейр жыдогъы1э.(личностнэщ)

IV. Урокыр къызэщ1экъуэжын:

Синквейн. (Кейс – студи –технологиещ1эхэм щыщщ)

1. Уэздыгъей

2. Плъыфэц1эу т1у

3. Глаголу щы

4. Псалъипл1 хъууэ жы1эгъуэ, псалъэуха.

5. Мыхьэнэк1э и гъунэгъу (смысловой синоним)зыпсалъэ.

1.Уэздыгъей.

2.Щхъуант1э, дахэ.

3.Хъумэн, гъэщ1эрэщ1эн,хэсэн.

4. Природэрзыгъэдахэжыг л1эужьыгъуэщ.

5.Жыг.

V. Унэ лэжьыгъэу епт хъунущ(щхьэж игу ирихьыр къыхихыу)

Усэм сурэт хуэщ1ын, усэр зэгъэщ1эн;
Къэбэрдей-Балъкъэрым ит жыг л1эужьыгъуэхэм теухуауэ тхылъ ц1ык1у щ1ын;
Хьэтэжьыкъуэ хадэм ит жыг л1эужьыгъуэхэр къэхутэн…

Мы урокым ипэ къихуэу экскурс паркым ук1уэ хъунущ е а лэжьыгъэр ф1экъабылу къыхэзых еджак1уэм исследовательскэ 1уэхугъуэ иригъэк1уэк1 хъунущ (биолог, географ, информатикхэр зыдэгъэлэжьэн).

VI. Оценкэ яхудогъэув.

Мы урокым, зэрыфлъагъущи, гъэзэщ1а щохъу предметнэ, личностнэ, метапредметнэ 1уэху бгъэдыхьэк1эхэр.